بەفر و باران هەرێمی کوردستان دەگرێتەوە

SNN

کەشناسی هەرێم رایگەیاند، لەدوای نیوەڕۆی ئەمڕۆوە باران دەبارێت و لەناوچە شاخاوییەکانیش بەفر دەبارێت و سبەینێش پلەکانی گەرما نزمتر دەبنەوە.

بەڕێوەبەرایەتی گشتی کەشناسی و بومەلەرزەزانی هەرێم پێشبینییەکانی کەشوهەوای بڵاوکردوە و رایگەیاند، ئەمڕۆ ئاسمان هەوردەبێت و لەدوای نیوەڕۆوە نمە باران و بارانی مامناوەند لە زۆربەی ناوچەکان باران دەبارێت، لە کاتەکانی ئێوارە و شەو رێژەی بارانبارین زیاتر دەبێت، بەتایبەت لە سنووری پارێزگای سلێمانی و هەڵەبجە و ئیدارە سەربەخۆکانی سۆران و راپەڕین.

هەروەها پێشبینی بارینی بەفر دەکرێت لە ناوچە شاخاوییە بەرزەکان و ناوچە سنووریەکان . لە بەرەبەیانی ڕۆژی شەممە کاریگەری ئەم شەپۆڵە کۆتای دێت .

سەبارەت بە کەشی سبەینێ شەممە کەشناسی هەرێم دەڵێت: ئاسمان هەوری تەواو بۆ نیمچە هەوردەبێت، لەگەڵ دروستبونی تەمێکی سوک لە کاتەکانی بەیانی زودا، هەروەها لە ناوچەکانی رۆژهەڵاتی هەرێم ئەگەری باران بارین هەیە، هاوکات پلەکانی گەرما بە نزیکەی 2 تــــا 3 پلە نزمتر دەبێت لە تۆمارەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر : 12

سلێمانی : 11

دهۆک : 14

زاخۆ : 15

هەڵەبجە : 11

کەرکوک : 13

سۆران : 9

حاجی ئۆمەران : 2

گەرمیان : 15

بەشی پێشبینی 2024-12-20