کۆمپانیایەکی ئینتەرنێت شەقامی 120 مەتری هەولێر سەوز دەکات
SNN-
فەرمانگەى ژینگەى هەولێرڕایگەیاند، كۆمپانیایه‌كى ئینته‌رنێتى پابه‌ندكرد پڕۆژه‌ى له‌برى سه‌وزكردن، له شه‌قامى 120 مه‌تری هەولێر به‌درێژایی 120 مه‌تر سه‌وزبكات.
دڵشاد حسێن هیرانى، به‌ڕێوه‌به‌رى فه‌رمانگه‌ى ژینگه‌ى هه‌ولێر ڕایگەیاند، کۆمپانیاى فاستلینک بەهۆی ئەوەی لە شوێنی دامەزراندنی خۆی ڕووبەری نییە بۆ سەوزکردن پابه‌ندكراوه به جێبه‌جێكردنى ئه‌م پڕۆژه‌یه، ئه‌و شوێنه‌ى سه‌وزى ده‌كات بریتییه له غاباتی شەقامی 120 مەترى له گەڕەکی عەدالە و ده‌ستیان به‌كاركردن كردووه.
پابه‌ندكردنى ئه‌م كۆمپانیایه پاڵپشت بە حوکمە کۆتاییەکانى رێنمایى 1ى ساڵى 2024ـى دەستەى پاراستن و چاککردنى ژینگەى هەرێم، کە لە ماددەى 13 ئاماژەى پێکراوە، جێبه‌جێی ده‌كات.
له‌برى سه‌وزكردن، پڕۆژه‌یه‌كی ده‌سته‌ى پاراستنى ژینگه‌یه له هه‌رێمى كوردستان بۆ ئه‌و كۆمپانیا و پرۆژانه‌ى كه كاریگه‌ری خراپیان له‌سه‌ر ژینگه هه‌یه، پابه‌ند ده‌كرێن كه سه‌وزایی بچێنن، هەر پڕۆژەیەکیش لە رووبەرەکەیدا مەودای زیادکردنی سەوزایی نەبێت، ئەوا لە شوێنێکی تر کە فەرمانگەی ژینگە بۆی دیاری دەکات ، پڕۆژەی لەبری سەوزکردن جێبەجێدەکات.
