لەپێناو پاراستنی ژینگە خه‌رجی ژینگه‌ی ئۆتۆمبێلی كاره‌بایی هه‌ڵگیرا
ئۆتۆمبێلی تێسلا
SNN
وەزارەتی ناوخۆ بڕیاریدا، خەرجی ژینگە ئۆتۆمبێلە کارەباییەکان هەڵبگرێت، ئەمەش لەپێناو کەمکردنەوەی مەترسییەکانی ژینگە و کەمبوونەوەی رێژەی دوکەڵ لە هەرێمەکەدا.
ئەمڕۆ چوارشەممە 12ی شوبات، وەزارەتی ناوخۆی حکومەتی هەرێمی کوردستان رایگەیاند، تۆماركردنی یه‌كه‌م جار و خه‌رجی ژینگه‌ی ئۆتۆمبێلی كاره‌بایی هه‌ڵگرت به‌مه‌به‌ستی هاندانی هاووڵاتیان بۆ به‌كارهێنانی ئۆتۆمبێلی(ته‌واو كاره‌بایی) كه به‌شداره له كه‌مكردنه‌وه‌ی مه‌ترسیه‌كانی ژینگه.
ئاماژەی بەوەکردووە، رێبه‌ر ئه‌حمه‌د وه‌زیری ناوخۆی حكومه‌تی هه‌رێمی كوردستان، رێنمایی ژماره (2) ساڵی 2025 واژۆكرد كه له 16/2/2025 ده‌چێته بواری جێ به‌جێكردن.
هاوکات، به‌گوێره‌ی ئه‌و رێنماییه تۆماركردنی یه‌كه‌مین جار بۆ ئۆتۆمبێلی ته‌واو كاره‌بایی بێبه‌رامبه‌ر‌ی دارایی و ب وه‌رگرتنی بڕه پاره‌ی یاسایی ساڵانه‌ی ژینگه ده‌بێت، ئەمەش بە مەبەستی كه‌مكردنه‌وه‌ی مه‌ترسییه‌كانی پیسبوونی ژینگه و هاندانی هاونیشتیمانیان بۆ به‌كارهێنانی ئۆتۆمبێلی كاره‌بایی.
