“ئەمریکا سەلماندویەتی مەزنترین هاوڕێی ئیسرائیلە”

SNN-

سەرۆک وەزیرانی ئیسرائیل رایدەگەیەنێت، ترەمپ هەموو ئەو چەكانەی پێدواین پێویستمان پێیەتی بۆ تەواوكردنی كارەكانمان دژی ئێران و هاوپەیمانەكانی، ” ئەمریکا سەلماندویەتی مەزنترین هاوڕێی ئیسرائیلەو سوپاسی دەكەین.”

بنیامین ناتانیاهۆ، سەرۆک وەزیرانی ئیسرائیل، سوپاسی دۆناڵد ترەمپ، سەرۆکی ویلایەتە یەكگرتووەكانی ئەمریکای کرد بۆ دابینکردنی ئەو تەقەمەنیانەی کە ئیدارەی پێشوی وڵاتەکەی ناردنی راگرتبوو بۆ دەوڵەتی ئیسرائیل.

ناتانیاهۆ لە پەیامێکی ڤیدیۆیدا وتی: “ترەمپ مەزنترین هاوڕێیە کە ئیسرائیل هەیبوبێت لە کۆشکی سپی ناردنی هەموو ئەو تەقەمەنیانەی کە پێشتر راگیرابوون لەلایەن ئیدارەی جۆ بایدن.”

جەختیشیكردەوە، بەم شێوازە هەموو ئەو ئامرازانە دەدات بە ئیسرائیل کە پێویستیەتی بۆ تەواوکردنی ئەرکەکەی دژی بەرەی تیرۆری ئێران.

ئەمەش لە کاتێکدایە، ڕۆژی شەممە مارکۆ ڕوبیو وەزیری دەرەوەی ئەمریکا ڕایگەیاند، بەیاننامەیەکیان واژۆ کردووە بۆ خێراکردنی ڕادەستکردنی نزیکەی 4 ملیار دۆلاری هاوکاری سەربازی بۆ ئیسرائیل.

ڕوبیۆ لە بەیاننامەیەکدا ئاماژەی بەوەکردووە، ئیدارەی دۆناڵد ترەمپ سەرۆکی ئەمریکا کە لە 20ی 1 دەستبەکاربووە، ڕەزامەندی لەسەر فرۆشتنی چەک بە ئیسرائیل داوە بە بەهای نزیکەی 12 ملیار دۆلار.