لە یادی 37 ساڵەی کیمیابارانکردنی هەڵەبجەدا 170 نەمام لە خورماڵ چێنرا
هەڵمەتی چاندنی نەمام لە قەزای خورماڵ
SNN
لە یادی 37 ساڵەی کیمیابارانکردنی هەڵەبجەدا فەرمانگەی ژینگەی شارەکە لە قۆناغی یەکەمیاندا دەستیان کرد بە ناشتنی 170 نەمان لە خورماڵ.
فەرمانگەی ژینگەی هەڵەبجە ئەمڕۆ دووشەممە 17ی ئادار بڵاویکردووەتەوە، لە 16ی ئاداردا و لە یادی 37 ساڵەی کارەساتی کیمیابارانی پارێزگای هەڵەبجەدا، بەرێوەبەری فەرمانگەی ژینگەی هەڵەبجە و بەشێک لە فەرمانبەرانی فەرمانگە و بەهاوکاری سەرۆکایەتی شارەوانی خورماڵ و ژینگەدۆستانی قەزاکە، 170 نەمامیان لە شەقامی گشتی قەزای خورماڵدا ناشتووە.
ئاماژە بەوەکراوە، ئەمە قۆناغی یەکەم بووە و لە قۆناغی داهاتوودا ناشتنی نەمام لە قەزاکە بەردەوام دەبێت، هاوکات هەڵمەتی ناشتنی ئەو نەمامانە لە ژێر ناونیشانی (پەیامی بونیادنانی ژیان و ژینگەدۆستی و ژینگەیەکی تەندروست بۆ نەوەی داهاتومان) ئەنجام دراوە.
