وێنە.. هاووڵاتییەک 12 کەوی ئازاد کرد

SNN-
پۆلیسی دارستان و ژینگەی سلێمانی بڵاویکردووەتەوە کە هاووڵاتییەک 12 کەوی لە پێنجوێن ئازاد کرد

بەڕێوەبەرایەتی پۆلیسی دارستان و ژینگەی سلێمانی بڵاویکردووەتەوە کە هاووڵاتی (ئاسۆ عمر علی ) لە سنوری قەزای پێنجوێن (12) دوانزە باڵندە لە جۆری( کەو ) لەسەر ئەستۆی خۆی هێناوە و بە ئاگاداری کارمەندانی بەشی پۆلیسی دارستان لە پێنجوێن ئازادکران و گەڕێندرانەوە بۆ سروشتی ڕاستەقینەی خۆیان .

بەڕێوەبەرایەتی پۆلیسی دارستان و ژینگەی سلێمانی سوپاسی ئەو هاووڵاتییەکا دەکات و دەڵێت:”ئەو هەڵوێستە بەرز دەنرخێنین و سوپاس و دەستخۆشی لەو هاووڵاتییە و هەموو ئەو کەسانە دەکەین بەهەر ڕێگەیەک بێت دڵسۆزی خۆیان بۆ سروشت و ژینکە دەردەبڕن.