لە سلێمانی بۆ ڕۆژانی جەژن نزیكەی 10هەزار سەر ئاژەڵی گەورەو بچوك سەربڕدراون
بازاڕى گۆشتفرۆشان له شارى سلێمانى | فۆتۆ: تێبین ژین بۆ SNN
SNN-عەلی حەمە سەعید
بەمەبەستی دروستنەبوونی گرفت لە دابینكردنی گۆشتی سور لە ڕۆژانی جەژندا، تەنها لە گوشتارگەی سلێمانی بۆ ڕۆژانی جەژن نزیكەی 10 هەزار سەر ئاژەڵ سەر بڕردراون كە زۆرینەیان ئاژەڵی بچووك بوون.
بەگوێرەی ئەو ئامارانەی كە بەرپرسانی كوشتارگەی سلێمانی بە SNNدراون ئەوەخراوەتەڕوو، بەگوێرەی ئەو پلانەی دامانناوە بۆ ئەوەی گرفتی كەمی گۆشتی سور لە بازاڕەكانی سلێمانی دروست نەبێت، هەموو ئامادەكارییەكی پێویستمان ئەنجام دابوو، هەر لەو چوارچیوەشدا تا ئێستا نۆ هەزار و 395 سەر ئاژەڵی بچوكمان بۆ گۆشتفرۆشان و هاووڵاتییان سەر بڕیوە.
ئاماژەی بەوەشكرد، هەر لەو چوارچێوەیەدا 635 ئاژەڵی گەورەش لە سەر بڕخانەی سلێمانی سەر بڕدراون و گۆشتەكەیان خراوەتە بازاڕەوە كە بەهەزان تۆن گشتی تەندروست دەكات و بەو هۆیەشەوە نەمانهێشتووە گرفتی كەمی گۆشتی سور لە ڕۆژانی جەژن و دوای جەژنیش دروست ببێت.
دەشڵێت، كە حەوت سەر ئاژەڵیش لەكاتی سەر بڕینیاندا دەركەوتووە كە شیاوی بەكار هێنان نین، بۆیە گۆشتەكانیان لە لایەن لیژنەكانمانەوە بە شێوەیەكی زانستی لەناوبراون كە شەش سەر ئاژەڵی بچووك و دوو سەر ئاژەڵی گەورە بوون.
