ژینگەی عێراق: عێراق پێنجهم پیسترین وڵاتی جیهانه
SNN
وهزارهتی ژینگهی عێراق رایگەیاندووە، ژینگهی بهغدای پایتهخت لەگەڵ شارهكانی تری عێراق زۆر پیسبووە، دەڵێت “ئهم دۆخه كارهساتاوییه و پلانمان بۆ كۆنتڕۆڵكردنی داناوه.”
هەڵۆ عەسکەری، وەزیری ژینگەی عێراق لە چاوپێکەوتنێکدا رایگەیاندووە، پیسبوونی ههوای بهغدا درێژه و بهردهوامی ههیه، ئهمهش چهندین هۆكار و ڕهههندی جیاوازی ههیه، بۆ نموونه وێستگەی کارەبای بەسما له ناوچهی نههرهوان و زبڵخانهی تهندروستی و سهرچاوه جیاوازهكانی دەردانی گازی ژەهراویی و چهندین هۆكاری تر ڕاستهوخۆ كاریگهری خراپی لهسهر ژینگهی بهغدا جێهێشتووه.
ئاماژەی بەوەکردووە، وهك وهزارهتی تهندروستی پلانێكی درێژخایهنمان بۆ كۆنتڕۆڵكردنی ژینگهی بهغدا و شارهكانی تری عێراق داناوه و لهم چوارچێوهیهشدا كار دهكهین بۆ پاككردنهوهی ژینگهی بهغدا و شارهكانی تری عێراق.
هاوکات بهگوێرهی داتایهكی جیهانی، عێراق پێنجهم پیسترین وڵاتی جیهانه و خاوهنی چهندین كۆمپانیای گهورهیه، كه ڕاستهوخۆ گازی ژههراوی پێشكهشی ژینگهی ئهو وڵاته دهكات.
