دەبێت لەبارەی غەززەوە شتێک بکەین
دۆناڵد ترەمپ
SNN
دۆناڵد ترەمپ، سەرۆکی ئەمریکا ده‌ڵێت، “باشە” کە حەماس ڕایگەیاندووە، وەڵامی “ئەرێنی”ی داوەتەوە بۆ پێشنیازی ئاگربەست لە غەززە.
دۆناڵد ترەمپ بە ڕۆژنامەنوسانی ڕاگەیاندوە، دەکرێت “لە ماوەی چەند ڕۆژێکدا ڕێککەوتن لەسەر غەززە بکرێت”، بەڵام سەرۆکی ئەمریکا ئاماژەی بەوەدا کە تا ئێستا کورتەیەکی لەبارەی وردەکاری وەڵامدانەوەی حەماسەوە ئاگادار نەکراوەتەوە.
ئاماژه‌ی به‌وه‌شكرد، “دەبێت شتێک لە بارەی غەززە بکەین، پارەیەکی زۆر و هاوکارییەکی زۆر دەنێرین”.
ئێوارەی هەینی حەماس ڕایگەیاند، ڕاوێژکاری ناوخۆیی لەگەڵ کوتلە و هێزەکانی فەڵەستینی سەبارەت بە دوایین پێشنیاری نێوەندگران بۆ ڕاگرتنی دەستدرێژی بۆ سەر کەرتی غەززە کە پێشکەش کرابو، تەواو کردوە.
