بەڕێوەبەری باخچەکانی سلێمانی: رێژەی سەوزایی لە سلێمانی نزیکدەبێتەوە لە ستانداردی جیهانی

SNN-

بەڕێوەبەری باخچەکانی سلێمانی بە SNNی راگەیاند، سەرەڕای وشکه ساڵی و کەمبوونەوەی ئاو، باخچه و پارک و بلوارەکان دەپاریزین و ناهيڵين وشك ببن.

ئاماژەی بەوەشکرد، تەنها له سنوری جوگرافیی بەڕێوەبەرایەتی باخچەکان، 510 باخچەمان هەيه و حەوت پارکی گەورەمان لەناو شاردا هەيه 85 بلواری سەرەكیشمان هەيه كه سەرجەميان سەوزكراون و خزمەت دەكرێن.

بەڕێوەبەری باخچەکانی سلێمانی دەشڵێت، “بە پلانی ئەو سەوزكردنانەی هەمانه، نزيكدەبينەوه له ریژەی ستانداردی جیهانی بۆ سەوزايی، له سنوری بەڕێوەبەرایەتییەکەمان رێژەی سەوزایی له 19.6%ه لە کاتێکدا رێژەی ستانداردی جيهانيى دەبيت %20 بێت، جەختیشیکردەوە، به سەوزکردن و کردنەوەی پارک و باخچه و خزمەتکردن و نۆژەنكردنەوەیان نزيكدەبينەوه له رێژەی ستانداردی جيهانى بۆ سەوزایی.

لەبارەی زیادکردنی سەوزای و باخچەکان بەهرۆز سالار، وتی، لە ئێستادا لەم وەرزە گەرم و وشکە ساڵییەدا ئێمە زیاتر سەرنجمان لەسەر ئاودێری کردنە، لە مانگی 9ەوە پلانی زۆر باشمان هەیە بۆ زیاتر سەوزکردنی ناوشار.