بافڵ جەلال تاڵەبانی: هەڵبژاردن ببێتە هۆی پتەوکردنی یەکڕیزیی گەلانی عێراق و زیاتر خزمەتکردنی خەڵک

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان لە هەولێر پێشوازی لە سەید عەمار حەکیم، سەرۆکی رەوتی حیکمە کرد و جەختی لە بەڕێوەچوونی هەڵبژاردنێکی پاک و بێگەرد لە عیراق کردەوە.

“کێشەکانی هەرێم و بەغدا لەسەر بنەمای دەستوور چارەسەربکرێن”

لە دیدارێکدا دۆخی گشتیی وڵات و ئاستەنگەکانی بەردەم پرۆسەی سیاسی تاوتوێکرا و جەخت لە دیدی هاوبەش و کۆدەنگی نیشتمانی بۆ زاڵبوون بەسەر ئاڵنگارییەکاندا کرایەوە.

هەروەها پێویستی چارەسەرکردنی کێشەکانی نێوان هەرێمی کوردستان و عێراق لەسەر بنەمای دەستوور و هاوبەشێتی کرایەوە، بەجۆرێک هەمووان پارێزراوبن و وەک یەک خزمەتبکرێن.

“هەڵبژاردنێکی پاک و بێگەرد بەڕێوەبچێت”

بافڵ جەلال تاڵەبانی جەختی لە بەڕێوەچوونی هەڵبژاردنێکی پاک و بێگەرد لە عیراق کردەوە کە ببێتە هۆی پتەوکردنی یەکڕیزیی گەلانی عێراق و زیاتر خزمەتکردنی خەڵک.