“کوژراوەکەی لاجان خەڵکی کەرکووکە؛ باوکی کۆرپەیەکی دوو مانگانە”

SNN-

بەگوێرەی زانیارییەکان، ناسنامەی ئەو گەنجە ئاشکرا بوو کە لە ئاڵۆزییەکانی دوێنێی گوندی لاجان لە “قەتڵ و عامی29ی نۆڤەمبەر” گیانی لەدەستدا.

ناسنامەی قوربانییەکە

بەپێی زانیارییەکان، ئەو گەنجەی کوژراوە ناوی (عیرفان بەهادین ئەحمەد)ـە و تەمەنی 25 ساڵە. عیرفان دانیشتووی گەڕەکی دەروازەیە لە شاری کەرکوک.

باوکی کۆرپەیەکە

زانیارییەکان دەریدەخەن کە عیرفان خێزاندارە و باوکی کوڕێکە بەناوی (ئەیان)، کە هێشتا کۆرپەیە و تەمەنی لەنێوان دوو بۆ سێ مانگدایە.

چۆنیەتیی ڕووداوەکە

ڕووداوەکە دوێنێ شەممە ڕوویدا، کاتێک دانیشتووانی گوندی لاجان بۆ داواکردنی ئازادکردنی گەنجێک بەناوی (شکور) چوونە بەردەم پاڵاوگەی لاناز، بەڵام لەلایەن هێزە ئەمنییەکانەوە بە تەقە وەڵامدرانەوە و بەو هۆیەوە عیرفان گیانی لەدەستدا.