عەبدوڵا ئۆجالان: جیاوازییەکانمان کراوەتە ناکۆکی و شەڕی نێوان گەلان

لە ئاهەنگی نەورۆزی ئامەد، بە ئامادەبوونی هەزاران کەس، پەیامێکی عەبدوڵا ئۆجەلان، ڕێبەری زیندانیکراوی پەکەکە خوێنرایەوە و ڕایگەیاند، بەهۆی گرژییەکانی ناوچەکەوە وڵاتانی ئیمپریالیزم دەستوەردان لە ناوچەکە دەکات.

دەرفەتی چەسپاندنی پێکەوە ژیانی ئاشتی
عەبدوڵا ئۆجەلان ئاماژەی بەوەشکرد، دەرفەتی ئەوە هەیە جارێکی دیکە پێکەوە ژیان لە ڕۆژهەڵاتی ناوەڕاست بچەسپێنن و دەبێت نەریتی دەوڵەتی شیعە و سوونە و کورد تێپەڕێنن و دەوڵەتی دیموکراسی دروستبکەین.

پرۆسەی ئاشتی
ئۆجەلان، دەربارەی پرۆسەی ئاشتیش ڕایگەیاند، پرۆسەی ئاشتی لە گەڵ رۆح و ناوەرۆکی نەورۆز دەگونجێت و پێویستە هۆشیاری بڵاوبکەینەوە و دژایەتی جەنگ بکەین.

مانای نەورۆز
عەبدوڵا ئۆجەلان، دەربارەی نەورۆزی کوردان ئاماژەی بەوەکرد، نەورۆز مانایەکی مێژوویی هەیە و نەورۆزی ئەمساڵ دەبێت نەورۆزی گەشەکردنی دیموکراسی، گوتیشی ” دەبێت لەسەر بنەمای ژن ژیان ئازادی دووبارە لە نەورۆزدا ژیانمان داڕێژینەوە”.

پێکەوەژیانی گەلانی ناوچەکە
سەبارەت بە پێکەوەژیانی گەلانی ناوچەکەش ئۆجەلان جەختیکردەوە، دەبێـت نەریتی دۆستایەتی لە نێوان گەلانی ناوچەکە بچەسپێت و نەتەوەخوازی و مەزهەبخوازی نەخۆشین و دەبێـت تێیانپەڕێنین.