داهاتی یەك هەفتەی سلێمانی و دەوروبەری راگەیەندرا

SNN
سایتی شەفافییەت بۆ چاودێری و ڕێكخستنی داهاتە نانەوتییەكانی سلێمانی و هەڵەبجە و هەردوو ئیدارەی ڕاپەڕین و گەرمیان داهاتی یەك هەفتەی ڕاگەیاند؛ بەپێی ئامارەکان لە ڕێکەوتی 2ی 5ی 2026 تا 8ی 5ی 2026، بڕی داهات بریتی بووە لە 2 ملیار و 935 ملیۆن و 792 هەزار و 531 دینار.

داهاتەکە چۆن کۆکراوەتەوە؟

سایتی شەفافییەت ئاماژەی بەوە کردووە کە شێوازی کۆکردنەوەی داهاتەکە بەم شێوەیە دابەش بووە:

93%ی داهاتەكە بەشێوەی نەختینە (کاش) بووە.

6%ی داهاتەكە بەشێوەی چەك بووە.

مێژووی پڕۆژەی شەفافییەت

ڕۆژی 15ی 12ی 2022، دوای 30 ساڵ لە حوکمڕانی، حكومەتی هەرێمی كوردستان لەسەر دەستی قوباد تاڵەبانی بوو بە خاوەنی پڕۆژەی شەفافییەت لە داهات و خەرجی، ئەمەش وەک هەنگاوێک بۆ کۆتاییهێنان بە ناڕوونی لە داهاتەکاندا.