له پارێزگایهكی عێراق بههۆی نۆرەی بهنزینهوه كهسێك كوژرا
SNN-
لە پارێزگای میسان لە باشووری عێراق، کێشەیەک لەسەر سەرەی بەنزین لە بەنزینخانەیەکدا دروستبوو و بووە هۆی کوژرانی کەسێک، ئەمەش دۆخێکی ئەمنی و کۆمەڵایەتیی هەستیاری لە ناوچەکەدا دروستکردووە.
ڕووداوەکە لە بەنزینخانەیەکی ناحیەی عەدلی سەربە پارێزگای میسان ڕوویداوە، کاتێک دەمەقاڵێی نێوان چەند شۆفێرێک لەسەر وەرگرتنی سووتەمەنی پەرەی سەند و گرژییەکە گەیشتە ئاستی بەکارهێنانی چەک و گیانلەدەستدانی هاووڵاتییەک.
لە ئێستادا دۆخی ناوچەکە ئاڵۆزە و گرژی و نائارامی کەسوکاری قوربانییەکەی لەگەڵ لایەنی بەرامبەر گرتووەتەوە؛ هێزە ئەمنییەکانیش لەپێناو کۆنتڕۆڵکردن و ڕێگریکردن لە پێکدادانی فراوانی عشایەری لەنێوان هەردوو هۆزەکەدا، باری ناڕەوا و چاودێریی توندیان راگەیاندووە.
سەرچاوەیەکی ئەمنی دووپاتیکردەوە، دەمەقاڵێی ناو وێستگەیەکی سووتەمەنی کە لەسەر سەرەی بەنزین نێوان شۆفێرەکان سەریهەڵدا و کۆتایی بە ژیانی کەسێک هێنا، هێزێکی زۆری ئەمنیی خستووەتە حاڵەتی ئامادەباشییەوە بۆ کۆنتڕۆڵکردنی دۆخەکە و ڕێگریکردن لە هەر پێکدادانێکی چەکداریی نێوان بنەماڵەی قوربانییەکە و لایەنی تۆمەتبار.
