شاندێکی حکومەتی هەرێم بۆ دامەزراندن دەچنە بەغدا

SNN

بڕیارە لەم هەفتەیە شاندێكی دارایی هەرێمی كوردستان كە زیاتر شاندێكی تەكنیكییە، سەردانی بەغدا بكەن و لە گفتوگۆكانی بودجە بەشدار بن، بۆ ئەوەی پشكی هەرێمی كوردستان جێگیر بكەن.

ئەمڕۆ دووشەممە 14ـی ئەیلول، شاندێكی هەرێمی كوردستان سەردانی بەغدا دەكەن، گفتوگۆ لەبارەی رێكارەكانی ئامادەكردنی بودجە دەكەن.

ئەوەیش زانراوە، شاندە تەكنیكییەكە لە بەڕێوەبەری بەشی بودجە، بەشی ژمێریاری، راوێژكاری دارایی و چەند شارەزایەكی وەزارەتی دارایی هەرێمی كوردستان پێكهاتووە، ئەركیان كۆبوونەوەیە لەگەڵ تیمی تەكنیكیی وەزارەتی دارایی عێراق بۆ تاوتوێكردنی پڕۆژەیاسای بودجە.

حكوومەتی هەرێمی كوردستان داواكارییەكانی خۆی لەبارەی پشكی ساڵی 2027 پێشكەش بە وەزارەتی دارایی عێراق كردووە. داواكارییەكان بریتین لە تەرخانكردنی بودجەی پێویست بۆ دامەزراندن، مووچە، گۆڕینی گرێبەستەكان بۆ هەمیشەیی، دامەزراندنی سێ یەكەمەكان، هەروەها هاوتاكردنی مووچەی پێشمەرگە و خاوەن پێداویستییە تایبەتەكان.

هەفتەی رابردووش شاندێكی باڵای هەرێمی كوردستان لەگەڵ وەزیری دارایی عێراق كۆبووەوە و تێیدا گفتوگۆیان لەبارەی بودجە كرد.