SNN-
میدیاكانی ئیسرائیل بڵاویانكرده‌وه، سوپای وڵاته‌كه‌یان سه‌رجه‌م ئاماده‌كارییه‌كانی بۆ وه‌شاندنی گورزێكی تری سه‌ربازی بۆ سه‌ر ئێران ته‌واو كرد و له‌وپه‌ڕی ئاماده‌باشیدایه و چاوه‌ڕوانی فه‌رمانی هێرشكردن ده‌كات.
كه‌ناڵ 15ی ئیسرائیل رایگەیاند، سوپای ئیسرائیل خراوه‌ته به‌رزترین حاڵه‌تی ئاماده‌باشییه‌وه و ئیسرائیل خۆی بۆ هێرشێكی سه‌ربازی درێژمه‌ودا ئاماده ده‌كات.
به گوێره‌ی خه‌مڵاندنه‌كانی دامه‌زراوه سه‌ربازییه‌كانی ئیسرائیل، ده‌ستكردنه‌وه به جه‌نگ له‌گه‌ڵ ئێران، دووباره به‌ره‌ی جه‌نگ له‌گه‌ڵ حزبوڵا له لبنان چالاك ده‌كاته‌وه، بۆیه ئاماده‌كارییان بۆ ئه‌و ئه‌گه‌ره‌یش كردووه.
ئەمەش لەکاتێکدایە، پێشتر یسرائیل كاتیس وه‌زیری به‌رگری ئیسرائیل گوتی، ئیسرائیل هیچ نیازێكی نییه به‌ر له ئه‌نجامدانی هه‌ڵبژاردن هێرش بكاته سه‌ر ئێران، هاوكات ئه‌مه‌ریكایش نایه‌وێ تا ئه‌نجامدانی هه‌ڵبژاردن هیچ په‌لامارێكی ئێران بدات، به‌ڵام دوای ئه‌نجامدانی پرۆسه‌ی هه‌ڵبژاردن له ئه‌مه‌ریكا، ئه‌گه‌ری زۆره گورزێكی تری گه‌وره و كه‌مه‌رشكێن بوه‌شێنرێته ئێران.
