یاریزانێكی تۆپی باسكهی توركی ئهردۆغان به چهوساندنهوهی كورد تۆمەتبار دهكات
ئهنیس كانتهر
SNN Sport
ئهنیس كانتهر ئهستێرهی تۆپی باسكهی توركی و پیشهگهر له خولی تۆپی باسكهی ئهمریكا لهگهڵ تیپی بۆستن سێڵتك دەڵێت:”حكومهتی توركیا چهندین ساڵه ههڵدهستێت به چهوساندنهوهی كورد و داوای دابینكردنی پاراستنی نێودهوڵهتی بۆكردوون”.
ئەو یاریزانە له هاشتاگی ” ژیانی كورد گرنگه ” #KurdishLivesMatter،كه ژمارهیهك چالاكوان له تۆڕه كۆمهڵایەتییهكاندا دایانناوه نووسیبووی “له رۆژههڵاتی توركیا له شاری وان گهوره بووم ، ژمارهیهكی زۆری هاوڕێی كوردم ههیه كه له جوانترین ئهو كهسانهن كه دهیانناسم ،خوشك وبرا كوردهكان چهندین ساڵه رووبهڕووی چهوهسانهوهو ئهزێت دان دهبنهوه له لایهن حكومهتی توركیاوه ، ئێمه پێویستمان به پاراستنیان ههیه بهههر نرخێك بێت”.
به پێی رۆژنامهی ” بۆستن گلۆب”ی ئهمریكی بێت حكومهتی توركیا له دهنگی ئهنیس كانتهرو چالاكییهكانی له دهزگا راگهیاندنهكانی ئهمریكا سڵ دهكاتهوه ، له19ی حوزەیران كانتهر زانی كه باوكی ” محهمهد ” بێ تاوان دهرچوو لهو تۆمهتانهی كه ئاراستهی كرابوو به ئهندامێتی له رێكخراوێكی تیرۆریستی له وڵاتهكهی ، له ئێستاشدا محهمهدی باوكی پیاوێكی ئازاده.
به پێی لێدوانی كانتهر بێت ، داداگاییكردنهكهی چهندین جار دواخرا له ههوڵێكدا بۆ دهستگیركردنی ، ئەگهر داواكاران باوكیان تاوانبار بكردایه زیندانی دهكرا بۆ ماوهیهك کە دهگاته 15 ساڵ ، پاش بیستنی ههواڵهكه یهكسهر كانتهر تویتێكی نووسی ” دهتوانم بگرییم ،باوكم ئازادكرا “.
“كانتهر ئازاد كردنی باوكی گهڕاندهوه بۆ ئهوەی کە فشار خرایه سهر حكومهتی توركیا”
كانتهر سهبارهت به دۆخی خێزانهكهی و ئهو زوڵمهی كه وای بۆدهچێت له توركیا رووبدات راشكاوانه بوو ، كانتهر كه له وهرزی نۆیهمیدایه له خولی باسكهی ئهمریكا بۆ پیشهگهران وتی ” ههندێک خهڵك دهڵێن كه زۆر لهگهڵ دهزگاكانی راگهیاندن كارلێكم ، بهڵام كاتێک دهسورێمهوه و باسی ئهوه دهكهم ، ئهمه فشار دهخاته سهر حكومهت و ههرچهندە فشارمان خسته سهریان ، ههست به ترس دهكهن ” ههروهها وتی ” له رۆژی یهكهمهوه وای بۆ دهچووم و بهبراكهشم راگهیاند كه ئامرازێکیان نیه بۆ تاوانباركردنی باوكم چونكه له دهنگم دهترسن”.
“لهگهڵ ئازادكردنی باوكی ، كانتهر هیواداره دایك و باوكی فیزهیان دهستبكهوێت و بگوازرێنهوه بۆ ئهمریكا”
كانتهر وتی: كه دایكی له توركیا به ئازادی مایهوه ، بهڵام ههوڵی نهدا وڵات جێبهێڵێت ، چونكه نایەوێت دهستبهرداری هاوسهرهكهی بێت ، چهندین ساڵ تیپهر بووه له سهردوایین پهیوهندی كردن به خانهوادهكهی، له ترسی چاودێریكردنی حكومهتی توركیا كانتهر له پهیوهندی بههێزدایە لهگهڵ برا بچووكهكهی كه له ئیسپانیا یاری تۆپی باسكه دهكات”.
