سبەینێ ئەنجوومەنی وەزیرانی هەرێم کۆدەبێتەوە
لۆگۆى حكومهتى ههرێمى كوردستان | فۆتۆ: SNN
SNN- بڕیار محەمەد
بڕیار وایە سبەینێ ئەنجوومەنی وەزیرانی هەرێمی کوردستان لەسەر پرسی مووچە و پرسی کرانەوەی دەروازەکان بەڕووی گەشتیاراندا کۆببێتەوە.
سەرچاوەیەک لە ئەنجوومەنی وەزیرانی هەرێمی کوردستان بە SNNڕاگەیاند “بەیانی چوارشەممە ئەنجوومەنی وەزیران لەسەر چەند تەوەرێک کۆدەبێتەوە، تەوەرەکانیش پرسی مووچە و ئەنجامی دیداری شاندەکەی حکومەت بۆ بەغدا و کرانەوەی دەروازەکان بەڕووی گەشتیاراندا دەبێت، چونکە ئیدارەی گەرمیان نوسراویان کردووە بۆ وەزارەتی ناوخۆ بۆ کردنەوەی دەروازەکان”.
سەرچاوەکە وتیشی: “کۆبوونەوەکە بە سەرپەرشتی سەرۆکی حکومەت و جێگری سەرۆکی حکومەت و سەرجەم وەزیرەکان دەبێت و هەرەوها کۆبوونەوەکە لە رێگای ڤیدیۆ کۆنفرانسەوە دەبێت” .
