لیژنه‌ی مۆڵه‌تدانی یه‌كێتیی تۆپی پێی عێراق سه‌ردانی یانه‌كان ده‌كات
یەکێتیی تۆپی پێی عێراق
SNN Sport- حسێن کەرکوکی
لیژنه‌ی مۆڵه‌تدان له ده‌سته‌ی ئاساییكردنه‌وه‌ی یه‌كێتیی تۆپی پێی عێراق دەستیكردووه به سه‌ردانیكردنی ئه‌و یانانه‌ی له خولی نایاب بۆ وه‌رزی 2020-2021 یاری ده‌كه‌ن ،ئەمەش بۆ به ئاگابوون له ته‌واوكردنی پێداویستییه‌كان و پێوه‌ره‌كان بۆ پێدانی مۆڵه‌تی ئاسیایی و سه‌ره‌تاش له یانه‌ی قووه جه‌وییه ده‌بێت.
دكتۆر حسێن فه‌لامه‌رز سه‌رۆكی لیژنه‌كه له به‌یاننامه‌یەكیدا دووپاتی كرده‌وه‌و وتی:” سه‌ردانی ئه‌و یانانه‌ی كه مۆڵه‌تی ئاسیایی ده‌یانگرێته‌وه و دۆسێكانیان ته‌واو كردووه ده‌كرێت ، لیژنه‌کە لە رۆژی سێشه‌ممه‌وه ده‌ستده‌كات به سه‌ردانیكردنی یانه‌كان و سه‌ره‌تاش له یانه‌ی قووه جه‌وییه وه ده‌ستپێده‌كات و لیژنه‌كه كاتژمێر 9ی سه‌ر له به‌یانی له باره‌گای یانه‌كه ئاماده ده‌بێت “.
هه‌روه‌ها فه‌لامه‌رز وتی:” له رۆژانی داهاتوو سه‌ردانی یانه‌كانی تر ده‌كرێت و له چوارچێوه‌ی ئه‌و کاتەیە كه له لیژنه‌كه دیاری كراون و ئامانج له سه‌ردانیكردنی ئه‌و یانانه‌ی پێداویستی و پێوه‌ره ئاسیاكانیان ته‌واو كردووە، ئەمەش بۆ پێدانی مۆڵه‌ته پێیان و به پێی و یاساکانی یه‌كێتیی تۆپی پێی ئاسیا دیاری كردوون.
له كۆتاییدا وتی:” هیوای به‌رده‌وامی هاوكاری ده‌خوازین له نێوان یانه‌كان و لیژنه‌ی مۆڵه‌تدانه‌كان بۆ كۆتاییهێنان به سه‌ردانه‌كان له كاته دیاریكراوه‌كان “.
لیژنه‌ی مۆڵه‌تپێدانه‌كان له 20ی ئه‌م مانگه‌دا سستەمی ( كڵاس )ی تایبه‌ت به پێدانی مۆڵه‌ت به یانه‌كان كه له ریزی خولی نایاب بۆ وه‌رزی 2020-2021 یاری ده‌كه‌ن داخست.
