پێنج ئەندامەكەی تەڤگەری ئازادیی لە هەولێر ئازاد كران
ئه‌ندامه ئازادكراوه‌كانى تەڤگەری ئازادیی كۆمەڵگەی كوردستان | فۆتۆ: SNN
SNN – بریار محەمەد
پێنج ئەندامی تەڤگەری ئازادیی لە هەولێر، بە ده‌سته‌به‌رى پێنج ملیۆن دینار بۆ هەر یەكەیان ئازاد كران كە نزیكەی دوو مانگ بوو لەلایەن ئاسایشی هەولێرەوە دەستگیركرابوون.
هەرێم ڕەفعەت، پارێزەری ئەو پێنج ئەندامە بە SNNی راگەیاند: “ئەمڕۆ ئەو پێنچ ئەندامەی تەڤگەری ئازادی كە لەلایەن ئاسایشی هەولێرەوە دەستگیركرابوون، لە كاتێكدا هیچ بەڵگەیەكی یاساییان له‌سه‌ر نه‌بوو ئەمڕۆ بە بڕیاری دادوەری دادگای لێكۆڵینەوەی هەولێر بە كەفالەتی پێنج ملیۆن دینار بۆ هەریەكێكیان، ئازاد كران”.
لە مانگی ئابى ئەمساڵ، پێنج ئەندامی تەڤگەری ئازادیی كۆمەڵگەی كوردستان دەستگیركران، كە یەكێكیان ژن بوو، نزیكەی دوو مانگ لە زیندانی ئاسایشی پارتی دیموكراتی كوردستان لە شاری هەولێر مانه‌وه.
