کەشناسی سلێمانی لەسەر کەشوهەوای ئەمساڵ روونکردنەوە دەدات

SNN- هەڵکەوت سەروەت

بەڕێوەبەری کەشناسیی سلێمانی دەڵێت: “لە وەرزەکانی پایز و زستان و بەهاردا بە رێژەی جیاواز باراندەبارێت، ئاماژە بەوەشدەکات “گومانکردن لە روودانی وشکە ساڵی لەئێستادا زۆر زووە”.

ئاسۆ کەمال بەڕێوەبەری کەشناسی و بومەلەرزەزانیی سلێمانی بۆ SNN ئاشکرایکرد: باسکردنی وشکەساڵی لە ئێستادا زۆر زووە و پێمانوایە لە ئێستادا تەنها بارینی باران بۆ زەوی و زار و کاتی کێڵانی جوتیاران زۆر پێویستە، دەشڵیت: “لەسەرەتای مانگی داهاتووەوە بارانبارین دەستپێدەکات”.

ناوبراو وتیشی: “وەرزی پایز لە ‌15% بارانبارینی تێدا دەبێت و زستانیش ‌50% و بەهاریش 35%، ئەمەش ئەوە دەگەیەنێت کە بارینی باران دوا نەکەوتووە و ساڵ بۆ ساڵ باران ڕەگەزی دەگۆڕێت و جیاوازی لەکاتی بارینەکەیدا دروستدەکات”.

ئەو بەڕێوبەرە تەئکیدیشی کردەوە کە باسکردنی بارینی باران لە سایتەکان زۆر ناڕاستە و ئەو پێگانە زۆرترین گۆڕانکاری لە داتاکانیان هەیە و ئێمە لە کەشناسی سلێمانی کار لەسەر پێشهاتەکان دەکەین و پێمانوایە باسکردنی ئەگەری روودانی وشکە ساڵی لەئێستادا زۆر زووە.