بالهی كچانی ئهفرۆدێت بووه پاڵهوانی یانهكانی پارێزگای سلێمانی
دیمەنێک لە پاڵەوانێتیەکە
ئهردهڵان محهمهد – SNNsport
یارییهكانی بالهی كچانی یانهكانی سن٣وری پارێزگای سلێمانی كۆتایی هات و كچانی ئهفرۆدێتیش توانییان دوای یارییەکی ئاست بهرز ببنە پاڵهوان.
یهكێتیی بالهی سلێمانی له درێژهی چالاكییهكانی خۆی بۆ یانهكانی سنووری پارێزگای سلێمانی، ههروهها بۆ ئامادهكاری زیاتری یانهكانی پارێزگای سلێمانی بۆ پاڵهوانێتی یانهكانی عێراق خولێكی بۆ چوار یانه ئهنجامدا.
له یاری كۆتایی خولهكهدا ههردوو یانهی ئهفرۆدێت و دهربهندیخان له هۆڵی پێشمهرگهی سلێمانی بهیهك گهیشتن و كچانی ئهفرۆدێت توانییان بهسێ كۆمهڵهی بێبهرامبهر بهسوودی خویان كۆتایی پێ بێنن.
له یاریهكهدا كچانی ئهفرۆدێت بهئاستێكی بههێزهوه دهركهوتن و توانییان تۆڵهی یهكهم یاری بكهنهوه بهرامبهر دهربهندیخان، بۆیه كچانی ئهفرۆدێت توانییان بهئاسانی و بهسێ كۆمهڵهی بێ بهرامبهر لهبهرژهوهندی خۆیان یهكلایی بكهنهوه و نازناوهكه بهرز بكهنهوه.
خاڵی كۆمهڵهكان (25-15) (25-16) (25-18).
جهمال رهشید سهرۆكی یهكێتیی بالهی سلێمانی ئهویه خستهڕوو:” بهدوو ئامانج ئهم پاڵهوانێتیهمان ئهنجامدا، یهكهمیان له درێژهی كارو چالاكییهكانمان، دووهم وهك ئامادهكاری بۆ پاڵهوانێتیی یانهكانی عێراق، بۆیه دهمانهوێت یانهكانمان بهشێوهیهكی بههێزتر بۆ ركابهرییهكان ئامادهبن، لهبهرئهوهی دهمانهوێت وهك ساڵانی پێشوو یانهكانی ئهم شاره بێبهش نهبن له نازناوهكانی كوردستان و عێراق”.
لهلای خۆیهوه سهنگهر مستهفا راهێنهری كچانی ئهفرۆدێت رایگهیاند:” بهراستی كردنهوهی ههر خولێك بۆ خۆی گرنگی تایبهتی خۆی ههیه بهجۆرێك كه دهبێته پاڵپشتییهكی بههێز بۆ یاریزانان بۆ ئهوهی بتوانن ئاستبهرزی خۆیان پیشان بدهن و متمانهی راهێنهر بهدهست بێنن”.
ئاماژه بهوهش دهدات:” كردنهوهی ئهم خوله لهم كاتهدا زۆر گرنگ بوو بۆ راهێنهر و یاریزانان ، چونكه له ئایندهیهكی نزیكدا ئێمه بهشداری خولی عێراق دهكهین، بۆیه ئهم خوله وهك ئامادهكارییهك وایه بۆ ئێمه، ههروهها بۆ بههێزكردنی پێكهاتهكهمان و تاقیكردنهوهی یاریزانهكانیش”.
لهخولهكهدا چوار یانه كه پێكهاتبوون له ئهفرۆدێت و دهربهندیخان و سیروانی شارهزوور و سلێمانی بهشداربوون.
