پێرێز دەیەوێت زیدان دووربخاتەوە

SNN Sport

لە ژمارەی ئەمڕۆ سێشەممەی رۆژنامەی سپۆرتی ئیسپانیدا بە گەورەیی بڵاوکراوەتەوە، فلۆرنتینۆ پێرێز سەرۆکی یانەی ریاڵ مەدرید، دەیەوێت زینەدین زیدان راهێنەری ئێستای لە پۆستەکەی لاببات، ئەمەش بەهۆی تۆمارکردنی زنجیرەیەک ئەنجامی خراپ کە لە سەرەتای ئەم وەرزە تا ئێستا تۆماری کردووە.

بە پێی هەواڵەکەی سپۆرت، دوای دوو شکستی ریاڵ مەدرید لە خولی ئیسپانیاو شکستێکی لە خولی یانە پاڵەوانەکان، سەرۆکی ریاڵ مەدرید گومانی لە راهێنەرەکەی هەیەو متمانەی بە پرۆژەکەی ئەم راهێنەرە نیە.

رۆژنامەکە نوسیویەتی:” لە ئێستادا زیدان لە سەر پەتەکەیە و رەنگە بەردەوام نەبێت لە یانەی شاهانە”.

زیدان بە پێی گرێبەستێک تا ساڵی 2022 لە ریاڵ مەدرید دەمێنێتەوە و ساڵانە مووچەیەکی 7.5 ملیۆن یۆرۆیی وەردەگرێت،بەڵام لە ئەگەری بەردەوامی خراپی ئەنجامەکانی، لەوانەیە لە پۆستەکەی لاببرێت.

یانەی ریاڵ مەدرید لە 11 یاری ئەم وەرزە لە هەموو پاڵەوانێتیەکان تووشی 3 شکست و 2 یەکسانبوون بووە،ئەمەش خراپترین دەستپێکی زیدانە لەو کاتەوەی بووە بە راهێنەری یانەی ریاڵ مەدرید.