شەوی رابردوو ژمارەیەک بومەلەرزەی دیکەی لاواز روویانداوە

هەڵکەوت سەروەت-SNN

پاش ئەوەی شەوی ڕابردوو کاتژمێر دوو و 18 خولەک بوومەلەرزەیەک بە گوڕی 4,9 ناوچەی نێوان تەکیە و چەمچەماڵی گرتەوە و کاریگەریەکەی لەسەر پارێزگاری سلێمانی هەبووە بەهۆی نزیکی بوومەلەرزەکە کە 29 کیلۆمەتر دوور بووە لە شارەکەوە.

ئاسۆ کەریم بەڕێوبەری کەشناسی و بومەلەرزەی سلێمانی بۆ snn ئاشکرای کرد: تەنها ئەو بوومەلەرزەیە هاوڵاتیان هەستیان پێکردووە و دواتریش چەند بوومەلەرزەیەکی تر بە ڕێژەی کەمتر و بە گوڕەکانی 2,9 و 2,7 کەمتر بووە.

بەڕێوبەری بومەلەرزەی سلێمانی وتیشی: تەنها بوومە لەرزەی یەکەم مەترسیدار بووە، چونکە لەسەری 4,5 رێختەرەوە بووە و لە هەندێک لە ناوچەکانی تەکیە و چەمچەماڵ پێدەچێت زیانی هەبووبێت بەڵام ئاگادار نەکراوینەتەوە.

تا ئێستا بەهێزترین بوومەلەرزە کە تۆمارکرابێت لە ساڵی 190بوو بە گوڕی 9 پلە لە وڵاتی شیلی و بەتەواوی ئەو ناوچەیەی خاپوور کرد.