مەسرور بارزانی: پشکی کوردستان لە بودجەی فیدراڵی پاداشت نییە، مافە

SNN

سەرۆکی حکومەتی هەرێمی کوردستان دەڵێت: “پەسەندکردنی یاسای قەرز لە پەرلەمانی عێراق بە بێ رەچاوکردنی داخوازییەکانی کورد، “پێشهاتێکی مەترسیدارە” ئشکراشیدەکات “پشکی کوردستان لە بودجەی حکومەتی فیدراڵی پاداشت نییە، بەڵکو مافێکی خۆمانە“.

دەقی وتەکانی سەرۆکی حکومەت:

ئەو پێشھاتە مەترسیدارە پێویستە بە زووترین کات ڕاست بکرێتەوە. ھێشتاش دەرفەت ماوە بۆ ڕاستکردنەوەی ئەو ستەمەی ئەنجام درا.

پشکی کوردستان لە بودجەی حکومەتی فیدراڵی پاداشت نییە، بەڵکو مافێکی خۆمانە.

پێشتریش باسمان کردووە، پەیوەندی ھەولێر و بەغدا پێویستە لە سەر بنەمای داننان بە ماف و ئەرکی ھەر لایەک بێت بە پێی دەستور.