رێکخراوی (IFMSA) لە ڕۆژی جیهانی شەکرەدا چالاکییەک رێکدەخات
SNN
فیدراسیۆنی نێونەتەوەیی خوێندکارانی کۆلێژی پزیشکی (IFMSA) کە رێکخراوێکی سەربەخۆی جیهانییە لە رۆژی جیهانی نەخۆشی شەکرەدا چالاکییەک لە فامیلی مۆڵی سلێمانی ئەنجام دەدات، کە تێیدا بێ بەرامبەر پشکنینی نەخۆشی شەکرە بۆ هاووڵاتییان ئەنجام دەدەن و رێنمانی پێویستیشیان دەدەنێ.
لانە سۆران خوێندکاری کۆلێژی پزیشکی و رێکخەری کەمپینی رۆژی جیهانی شەکرە بە SNNی راگەیاند: ئەم چالاکییەمان لە ڕۆژانی 13 و 14 مانگ بەردەوام دەبێت، کە ڕۆژی 14ی تشرینی دووەم رۆژی جیهانی شەکرەیە ئامانجمان لەم پرۆژەیە هۆشیارکردنەوەی هاووڵاتییانە بۆ نەخۆشی شەکرە، هەر لەم ڕۆژەدا هۆشیاری دەدەیەن هاووڵاتییان پشکنینی شەکرەیان بۆ دەکەین لەگەڵ پێدانی رێنمایی بۆ ژیانێکی تەندروست.
ئاماژەی بەوەشکرد: ئەم رێکخراوە لە ساڵی 2010 لە کوردستان کرایەوە، لە شارەکانی سلێمانی و هەولێر و دهۆک و کۆیە لقی هەیە، هەموو ساڵێک لە ڕۆژی جیهانی شەکرە چالاکی جۆراو جۆری هەبووە، ئەم رێکخراوە نوێنەرایەتی 1.3 ملیۆن خوێنداری کۆلێژی پزیشکی لە جیهاندا دەکات.
راشیگەیاند: لەبەر ئەوەی ئێمە رێکخراوێکی سەربەخۆین هەرجارەو لایەنێک دەبێتە سپۆنسەرمان و هاوکاری پرۆژەو چالاکییەکامان دەکات، هەروەها چالاکییەکامان بەردەوام دەبێت و هەرجاو پرۆژەمان لەسەر جۆرە نەخۆشییەکی جیاواز دەبێت و رێنمایی دەدەین هاووڵاتییان.
لانە سۆران رێککخەری چالاکییەکە
