له سهر ئاستی ئهوروپا رامۆس مێژوویهك دهنووسێتهوه
سێرجیۆ رامۆس
SNN Sport
سێرجیۆ رامۆس بهرگریكاری ریاڵ مهدرید بووه یەکێک لەو یاریزانانەی لە سهر ئاستی ئهوروپا زۆرترین بهشداریكردنی ههیه لهگهڵ ههڵبژاردهكهی له یارییه نێودهوڵهتییهكاندا له مێژوودا ،ئەمەش پاش بهشداریكردنی له یاری ئیسپانیا و سویسرا له خولی نهتهوهكانی ئهوروپا کاتێک 1-1 تەواو بوو.
رامۆس گهیشته یاری ژماره 177 لهگهڵ لارۆخا ، بهمهش سهركهوت به سهر جیانلویجی بۆفۆن گۆڵپارێزی ههڵبژاردهی ئیتاڵیا و زۆترین بهشداریكردنی ههبووه له سهر ئاستی كیشوهره پیرهكه.
رامۆس نزیكبووەتهوه لە ریكۆردی پێوانهیی تۆماركراو به ناوی كاپتنی پێشووی ههڵبژاردهی میسر(ئهحمهد حهسهن ) ، خاوهن زۆرترین بهشداریكردن له یارییه نێودهوڵهتییهكان له جیهاندا به كۆی 184یاری.
جێی باسه یەكهم یاری رامۆس لهگهڵ ئیسپانیا دهگهرێتهوه بۆ ساڵی 2005 له بهرامبهر ههڵبژاردهی چین .
