داعش هێرش دهكاته سهر گوندێك، هاووڵاتییان خۆیان بهرگرى له خۆیان دهكهن
چەکدارانی داعش
SNNسیروان حهسهن
له سنوورى خانهقین جارێكى دیكه جموجۆڵ و پهلامارى چهكدارانى داعش بۆ سهر گوندهكانى سنوورهكه دهستى پێكردووهتهوه و شهوى رابردوو پهلامارى گوندێكیانداو هیچ هێزێكى ئهمنى به هانایانهوه نهچووه خۆیان بهرگریان له خۆیان كردووه.
سهرچاوهیهك له پۆلیسى خانهقین به SNNى راگهیاند: درهنگانى شهوى رابردوو چهكدارانى داعش پهلامارى گوندى “توتك”یاندا له سنوورى قهزاى خانهقین و بۆ ماوهى نزیكهى دوو کاتژمێر شهڕو پێكدادان درێژهى ههبوو بههۆیهوه دوو هاووڵاتى دانیشتووى گوندهكه برینداربوون.
وتیشى “لهگهڵ هێرشهكەدا چهكدارانى داعش له نزیك گوندهكه بۆمبێكى چێندراویشیان تهقاندهوه و له ماوهى شهڕهكهدا كه ویستبویان بێنه گوندهكه هیچ هێزێكى ئهمنى به هاناى خهڵكى ئهو گوندهوه نهچوون و هاووڵاتیان خۆیان بهرگریان له خۆیان كرد”.
شهماڵ عهبدولرهحمان بهرێوهبهرى ئاسایشى كۆكس به SNNى راگهیاند: دواى كپبوونهوهیان بۆ ماوهیهك جارێكى دیكه چهكدارانى داعش دهستیان به جموجۆڵ كردووهتهوه له ناوچهكهو شهوى رابردوو له گوندهكانى دهوروبهرى شێخ باوه تهقهیان كردووه.
باسیشى لهوهشكرد، وهكو هێزه كوردستانییهكان ههمیشه له ئامادهباشیدان و سهنگهرى خۆیان توندوتۆڵ كردووه و بهردهوام چاودێرى ڕهوشهكه دهكهن.
به پێى بهدواداچوونهكانى SNN كه پێشتر له چهند سهرچاوهیهكهوه دهستى كهوتوون له شهواندا لە سنوورى خانهقین و گوندهكانى نێوان خانهقین بۆ جهلهولا كه زۆرترین چهكدارانى داعش لهو نێوهندهدایه له كاتى هێرش و پهلامارى چهكدارانى داعش له شهواندا هێزه عێراقییهكان تهنها بارهگاو سهنگهرهكانى خۆیان دهپارێزن و بۆ هیچ ناوچهیهكى دیكه جوڵه ناكهن. ههر ئهمهش وایكردووه هاووڵاتییان خۆیان پاسهوانى گوندهكانى خۆیان بكهن.
