لیژنه‌ى ئه‌منى سلێمانى راگه‌یه‌نراوێكى بڵاوكرده‌وه
پێكدادانى خۆپیشانده‌ران و هێزه ئه‌منییه‌كان له شارى سلێمانى | فۆتۆ: SNN
SNN
ئه‌مڕۆ شه‌ممه لیژنه‌ى باڵاى ئه‌منى سلێمانى راگه‌یه‌نراوێكى بڵاوكرده‌وه و رایگه‌یاند: لە ئەنجامی خۆپیشاندانە بێ مۆڵەتەكەی ئەمڕۆی شارۆچكەی پیرەمەگرون پێشێوى و تووندوتیژی لێكەوتەوە.
له راگه‌یه‌نراوێكدا كه كه‌مێك له‌مه‌وبه‌ر بڵاوكراوه‌ته‌وه هاتووه، “لە ئەنجامی خۆپیشاندانە بێ مۆڵەتەكەی ئەمڕۆی شارۆچكەی پیرەمەگرون پێشێوى و تووندویژی لێكەوتەوە، بەداخەوە لە ناو خۆپیشاندەرەكانەوە تەقە بە ئاراستەی هێزەكانی پۆلیسی چالاكییە مەدەنیيەكان كراو لە ئەنجامدا ئەفسەرێك بە پلەی نەقیب به فیشه‌ك برینداركرا و لە مەرگ گەڕایەوە”.
ده‌قى راگه‌یه‌نراوه‌كه
1.لە ئەنجامی خۆپیشاندانە بێ مۆڵەتەكەی ئەمڕۆی شارۆچكەی پیرەمەگرون پێشێوى و تووندویژی لێكەوتەوە، بەداخەوە لە ناو خۆپیشاندەرەكانەوە تەقە بە ئاراستەی هێزەكانی پۆلیسی چالاكییە مەدەنیيەكان كراو لە ئەنجامدا ئەفسەرێك بە پلەی نەقیب به فیشه‌ك برینداركرا و لە مەرگ گەڕایەوە”.
2. لێرەوە داوا لەهەموو لایەك دەكەین هێمنی و ئارامی بپارێزن، چونكە نەریتی سووتاندنی بارەگا حیزبییەكان و دام و دەزگاكانی حكومەت مافەڕەواكانی كۆمەڵانی خەڵك دەستەبەرناكات.
3. هێزە ئەمنییەكان بەهیچ شێوەیەك رێگە نادەن ئارامی و جوڵەی كاسبی و ژیانی خەڵك تێكبدرێت و پاراستنی داموده‌زگا حكومییه‌كان و باره‌گا حزبیيه‌كان له ئه‌ركه فه‌رمییه‌كانی هێزه ئه‌منییه‌كانه، بۆ ئه‌م مه‌به‌سته ده‌ستكراوه كراون به شێوازێكی یاسایی به ئه‌ركی خۆیان هه‌ڵبستن
