دیندار زێبارى: هیچ زیندانێكى نهێنى له ههرێمى كوردستان بوونى نییه
دیندار زێبارى، رێکخەرى راپۆرتە نێودەوڵەتییەکانى حكومهتى ههرێم | فۆتۆ: SNN
SNN
رێکخەرى راپۆرتە نێودەوڵەتییەکانى حكومهتى ههرێم رایدهگهیهنێت: هیچ زیندانێكى نهێنى له ههرێمى كوردستان بوونى نییه، دهشڵێت: “دهسهڵاتى دادوهرى مامهڵه لهگهڵ زیندانیكراوان دهكات”.
ئهمڕۆ ههینى دیندار زێبارى، رێکخەرى راپۆرتە نێودەوڵەتییەکانى حكومهتى ههرێم رایگهیاند: “سهرجهم ئهو دهنگۆیانه رهتدهكهینهوه كه باس لهوه دهكهن زیندانى نهێنى له ههرێمى كوردستان بوونى ههبێت، یان گروپى میلیشیا ههبێت و لهپشت گرژییهكانى ئهم دوواییهى ههرێمى كوردستانهوه بێت”.
وتیشى: “له ههرێمى كوردستان حكومهت و دهسهڵاتى دادوهرى ههیه كه مامهڵه لهگهڵ گرتوخانهن و زیندانیان و خۆپیشاندان دهكات، یهكێك لهو خاڵانهى كه ئێمه شانازى پێوهدهكهین ههبوونى ئازادییه له ههرێمى كوردستان لهبهر ئهوه هیچ كهس بهبێ فهرمانى دادوهر دهستگیر ناكرێت و زیندانى نهێنیش بوونى نییه”.
رێکخەرى راپۆرتە نێودەوڵەتییەکانى حكومهتى ههرێم ئهوهشى خستووتهڕوو: “سهرجهم ئهو كهسانهى كه له ههرێمى كوردستان دهستگیر دهكرێن لهژێر چاودێرى دهسهڵاتى دادوهریدا دهستگیر دهكرێن”.
