دەوامی خوێندن لە زانکۆیەکی دیکەی هەرێم راگیرا

دوای ئەوەی لە چەند رۆژی رابردوودا، دەوامی خوێندنی ناو هۆڵ لە زانکۆکانی ڕاپەڕین و هەڵەبجە راگیرابوو، ئەمڕۆ سەرۆکایەتی زانکۆی گەرمیان رایگەیاند بەهۆی بارودۆخی ناوچەکەوە دەوامی خوێندن رادەگیرێت.

دەقی راگەیەندراوەکە

سەرۆکایەتی زانکۆی گەرمیان
بەهۆی ئەو دۆخە ناهەموارەی کە هاتووەتە پێش و لە پێناو سەلامەتی گیانی خوێندکاران ، ئەم بڕیارانەی دا :

۱_ لە رۆژی یەکشەممە (۱۳_۱۲_۲٠۲٠)ەوە تا رۆژی پێنجشەممە (۱۷_۱۲_۲٠۲٠)دەوامی خوێندنی بەرایی (بەکالۆریۆس _ بەیانیان و ئێواران ) لەناو کەمپی زانکۆ رادەگیرێت .

۲_ خوێندنی باڵا ( دبلۆمی باڵا ، ماستەر ، دکتۆرا ) بەردەوام دەبێت .

۳_ هەر بابەتێکی خوێندنی بەرایی (بەکالۆریۆس) کە بە ئۆنلاین دەخوێنرێت ، لەو ماوەیەدا بەردەوام دەبێت .
٤_ ئەو تاقیکردنەوانەی کە دەکەوێتە ماوەی دیاریکراوی سەرەوە ، دوا دەخرێن بۆ هەفتەی دواتر و بەشەکان ئەرکی دانانەوەی خشتەی تاقیکردنەوەکانیان لە ئەستۆدایە .

٥_بەڕێوەبەرایەتی کاروباری خوێندکارانی زانکۆمان ، دوای چۆڵبوونی بەشەناوخۆییەکان لەماوەی ئەو چەند رۆژەدا هەڵدەستێت بەچاککردنی ئامێرو پێداویستییەکانی تر و
پڕکردنەوەی ناتەواویی و چاکترکردنی خزمەتگوزارییەکان بەتایبەت لەو نهۆمانەی بۆ قۆناغی یەکەمەکان تەرخانکراون .

٦_ ئەم راگرتنەی دەوام ، ستافی کارگێڕی زانکۆ و کۆلێجەکان ناگرێتەوە .

سەرۆکایەتی زانکۆی گەرمیان