بوومەلەرزەیەک شاری وانی باکووری کوردستانی هەژاند
شاری وان فۆتۆ: ئەرشیف
SNN
ئاژانسی هەواڵی ئانادۆڵ بلاویکردووەتەوە “بوومه‌له‌رزه‌یه‌ك به‌گوڕی 4.4 پله شارۆچكه‌ی باشكالەی سەربە پارێزگای وانی هەژاندووە”.
به‌پێی ئه‌و زانیارییه‌ی له ماڵپه‌ڕی سه‌رۆكایه‌تی ئیدارەدانی كاره‌سات و باری له‌ناكاو (AFAD) بڵاوكراوه‌ته‌وه، كاتژمێر 07:23 خولەکی ئەمڕۆ یەکشەممە، بوومه‌له‌رزه‌یه‌ك به‌گوڕی 4.4 پله له شارۆچكه‌ی باشكاله سەربە پارێزگای وان روویداوه.
ئاماژه به‌وه‌شكراوه كه بوومه‌له‌رزه‌كه له قوڵایی 12.95 كیلۆمه‌تر له توێكڵی زه‌ویدا روویداوه.
عوسمان ئوچار به‌ڕێوه‌به‌ری سه‌رۆكایه‌تی ئیدارەدانی كاره‌سات و باری له‌ناكاو، به ئاژانسی ئانادۆڵی رایگه‌یاندووە “بوومه‌له‌رزه‌كه له هه‌كاری و شارۆچكه‌كانی سەربە پارێزگاکە هه‌ستی پێكراوه”.
وتشی: “لایه‌نه په‌یوه‌ندیداره‌كان له‌سه‌ر هێڵن له‌گه‌ڵ زیانبه‌ركه‌وتووانی بوومه‌له‌رزه‌كه، به‌پێی زانیارییه‌كان هیچ جۆره شتێكی نه‌خوازراو رووی نه‌داوه”.
