ڤیدیۆ:ریاڵ مەدرید وەستانی نیەو شەشەم بردنەوەی لەسەریەکی بە دەستهێنا

SNN Sport

لە خولی ئیسپانیا یانەی ریاڵ مەدرید درێژەی بە زنجیرە بردنەوەکانیداو توانی 2-0 لە یانەی گرانادا بباتەوەو  شەشەم یاری لەسەر یەک بباتەوە.

هەردوو  یانەی ریاڵ مەدرید و گرانادا لە یاریگای دی ستیفانۆ رووبەڕووی یەکبوونەوە، لە ئەنجامدا یانەی شاهانە توانی یاریەکە 2-0بباتەوە.

لە گێمی یەکەم هەردوولا لە گۆڵکردن سەرکەوتوو نەبوون، بەڵام لە گێمی دووەم لە خولەکی 57، کاسێمێرۆ توانی گۆڵی پێشکەوتن بە لێدانی سەر لە یانەی گرانادا بکات.

دواتر بنزیمە لە خولەکی 93ی یاریەکە ئەنجامەکەی کردە دوو هێندەو توانی گۆڵی دووەم و دڵنیایی بکات و یاریەکە 2-0 ببەنەوە.

بەم سێ خاڵە ریاڵ مەدرید خاڵەکانی بووە 32 خاڵ و بە جیاوازی گۆڵ لە دوای ئاتلەتیکۆمەدریدی دووەمی خولەکەوە دێت.