کەرکوک، ئاسانكارى بۆ عهرهبى هاورده دهكرێت بگهنه كۆبوونهوهى لیژنهكهى پهرلهمان
SNN- سیروان حهسهن
لهگهڵ هاتنى شاندنى پهرلهمانى عێراق بۆ كهركوك به مهبهستى لێكۆڵینهوه له كێشهى زهویوزارى ناوچهكانى پهڵكانهو سهرگهڕان، عهرهبه هاوردهكان خۆیان دهگهیهننه شوێنى كۆبوونهوهى لیژنهكه و كۆمهڵێك بهڵگهنامهش له گهڵ خۆیان هێناوه.
پهیامنێرى SNN له كهركوك له كاتێكدا كۆبوونهوهى نێوان لیژنهكه و لایهنه ئهمنییهكانى كهركوك به ئامادهبوونى پارێزگارى كهركوك بهردهوامى ههیه ژمارهیهك عهرهبى هاوردهو كهسایهتى عهرهبى ناوچهكه خۆیان گهیاندووهته بارهگانى فهرماندهى هێزه هاوبهشهكانى كهركوك كه كۆبوونهوهكهى تێدا ئهنجامدراوه.
ئهو عهرهبانه كۆمهڵێك بهڵگهو نووسراویان پێیه و دهیانهوێت بیدهنه به لیژنهكه، هاتنى ئهم عهرهبانهش له كاتێكدایه ئاسانكاریان بۆ كراوه بێنه ناو بارهگاى فهرماندهى هێزه هاوبهشهكان. هاتنهكهشیان له كاتێدایه بڕیاره لیژنهكه خۆیان به شێوهى مهیدانى سهردانى ئهو ناوچانه بكهن كه كێشهى تێدایه و هاوكات لیژنهكه بڕیاره خۆى لهگهڵ ههردوو لایهنى كشتوكاڵ و رهگهزنامه كۆببێتهوه بۆ ئهوهى بهڵگهنامهیان لێوهربگرێت كه ئایا ئهو عهرهبانهى ئێستا داواى زهوى كوردهكان دهكهن هیچ بهڵگهیان ههیه كه له ساڵى 1957 خهڵكى ئهو سنوورانه بوون یان له چوارچێوهى تهعریب ناوچهكه هاتوون.
