راکان جبوری” داعش هێشتا لە چواردەوری هەندێک پارێزگا دەسەڵاتییان بوونی هەیە”

SNN

ئەمڕۆ پێنجشەممە راکان جبوری پارێزگاری کەرکوک، رایگەیاند: داعش هێشتا لە چواردەوری هەندێک پاریزگای عێراق ماون و دەسەڵاتی خۆیان دەسەپێنن و رۆژانە چالاکی جۆراوجۆرە ئەنجامدەدەن.

جبوری بە سایتی “بغداد الیوم”ی راگەیاند: هەرچەندە هێزە ئەمنییەکانی عێراق ئێستا باڵادەستن، بەڵام داعش لە پاریزگاکانی موسڵ و سەڵاحەدین و دیالە و کەرکوک هێشتا بوونیان هەیە، و لە چواردەوری ئەو پارێزگایانەش سەرقاڵی سەپاندنی دەسەڵاتی خۆیانن و هەوڵی دووبارە خۆدروستکردن دەدەنەوە ئەگەر گروپی بچووک بچوکیش بن.

وتیشی” داعش لە رووی سەربازیی و جوگرافییەوە کۆتایی هاتووە، بەڵام هەوڵی دروستکردنی شانەی نوستوو دەدات، وەک چۆن پێشتر و پێش سەرهەڵدانی، چەندین شانەی نوستووی لە ناوچە جیاوازەکانی عێراق دروستکرد، بەتایبەتی لە ناوچە دورە دەستەکان”.

ئاماژەی بەوەشکرد: داعش لەوە تێگەشیشتووە کە چیتر ناتوانێت لە ڕووی سەربازییەوە لە عێراقدا سەرکەوتووبێت، بەڵام لە رێگەی گروپی بچووکەوە هەوڵی تێکدانی ئەمنییەتی کەرکوک دەدات و هێرش دەکاتە سەر هێزە ئەمنییەکان، داعش هەرگیز وەک جاران بەهێزنابێتەوە بەڵام ئامانجی ئەو لەم قۆناغەدا تەنیا تێکدانی باری ئەمنی پارێزگاکانە.