سوپای پاسداران هەرەشەی هێرشی ئەلیکترۆنی لە ئەمریکا دەکات
حسێن سەلامی و قاسم سلێمانی
SNN
حسێن سه‌لامی فه‌رمانده‌ی گشتی سوپای پاسدارانی ئێران هه‌ڕه‌شه‌ی شه‌ڕی ئه‌لیكترۆنی به‌رامبه‌ر ئه‌مەریكا ده‌كات.
فه‌رمانده‌ی گشتی سوپای پاسدارانی ئێران له میانه‌ی مه‌راسیمی ساڵڕۆژی كوژرانی قاسم سوله‌یمانی فه‌رمانده‌ی پێشووی فه‌یله‌قی قودسی سوپاكه له پارێزگای ته‌ورێز رایگه‌یاند “قاسم سوله‌یمانی رێبازێكه و كوشتنی ئه‌و كۆتایی نییه، به‌ڵكو سه‌ره‌تای ده‌ستپێكردنی به‌ره‌نگاربوونه‌وه‌یه بۆ جیهان”.
راشیگه‌یاند “ئه‌مڕۆ ئه‌ركێكی قورس له ئه‌ستۆی ئێمه‌یه و ده‌بێت به هێزی به‌رهه‌مهێنانی به‌رنامه‌ی ئه‌لیكترۆنی و هزری هه‌ژموونه پوش و په‌ڵاشه‌كه‌ی ئه‌مەریكا بخه‌ینه چاڵێكی قوڵ، ئه‌مه‌ش كاری كۆمه‌ڵگه‌ی زانستی و زانكۆكانی ئه‌م پارێزگایه‌یه”
ئەمڕۆ 3ی کانوونی دووەم ساڵێك بەسەر كوژرانی قاسم سولەیمانی و ئەبومەھدی موھەندیس تێدەپەڕێت، لە نزیك فڕۆكەخانەی نێودەوڵەتی بەغدا لەلایەن فڕۆكەیەكی بێفڕۆكەوانی ئەمەریكا كرانە ئامانج.
