دەوڵەتی تورکیا خەریکی پرۆژەی “تورکاندن”ی رۆژئاوای کوردستانە

SNN

ئەنجوومەنی کارتۆنیی سەرێ کانی کە لەلایەن تورکیاوە پێکهێنراوە، داوا لە هاووڵاتییە عێراقییەکانی سنوورەکەی دەکات سەردانی فەرمانگەی رەگەزنامە بکەن بەمەبەستی دەرهێنانی ناسنامە.

ئەنجوومەنی خۆجێیی سەرێ کانی کە لە هاوکار و پشتیوانەکانی تورکیا پێکدێن و خۆیان لە دەستەی رزگاریی شام (بەرەی نەسرە)ی پێشوو ئیئتیلافی سوریی دەبیننەوە، خەریکی جێبەجێکردنی مەرامەکانی تورکیان.

ئەم هەنگاوەی تورکەکان بۆ بە تورککردنی ئەو داعشە عێراقییانەیە کە لە سەرێ کانی و دەوروبەری لە باکووری سوریا لانەی ئارامیان بۆ فەراهەمکراوە.

عەبدولعەزیز ساڵح سەرۆکی پێشووی شارەوانی سەرێ کانی دەڵێت: “خەڵکی عێراقی پێشتر لەو ناوچەیە نەبوون” ئەوەش مانای وایە تورکیا بە مەبەست هێنراون تا رەگەزنامەیان بدرێتێ و ناوچەکە  بخرێتە ژێر دەسەڵاتی ئەنقەرەوە”.

بەپێی زانیارییەکان، ئەو عێراقییانەی ئەنجوومەنە کارتۆنییەکە ناسنامەیان دەداتێ، هاووڵاتی تورکمانی عێراقین و لە ریزی داعشدا بوون پێشتر، مەبەست لەوەش گەورەکردنی پرۆژەی تورکاندنی ناوچەکەیە.