لە 2019 وە یەکەمجارە بەرشەلۆنە بەم ژمارە دەگات

SNN Sport

شەوی رابردوو یانەی بەرشەلۆنە لە دەرەوەی یاریگای خۆی توانی بردنەوەیەکی گەورە 4-0 دژی یانەی گرانادا بە دەست بهێنێت و سەرکەوتنێکی نوێ لە لالیگا تۆماربکات.

رۆژنامەی مۆندۆ دیپۆرتیڤۆ بڵاویکردووەتەوە، یانەی بەرشەلۆنە توانیویەتی 4 بردنەوەی لەسەریەک لە دەرەوەی یاریگای خۆی بە دەست بهێنێت، ئەمەش یەکەمجارە لە ساڵی 2019وە بەم ژمارە بگات.

رۆژنامەکە دەڵێت:” ئامانجی یانەی بەرشەلۆنە ئەوەیە بگات بە ژمارەکەی لویس ئینریکی لە 2015، کە توانی 6 بردنەوەی لەسەریەک لە دەرەوەی یاریگای کامپ نۆ بە دەست بهێنێت، لە ئێستادا کومانی راهێنەری یانەکە ئامانجی ئەوەیە ئەم ژمارە تۆماربکات.

بەرشەلۆنە لە 18 یاری توانیویەتی 34 خاڵ کۆبکاتەوە، لە پلەی سێیەمی خولەکە دەبینرێت و 3 خاڵ لە دوای یانەی ریاڵ مەدریدی دووەم دێت و 4 خاڵ لە ئاتلەتیکۆمەدریدەوە دوورە، بەڵام ئەم یانەیە 15 یاری ئەنجامداوە.