سائیرون: دژی دواخستنی هەڵبژاردنی پەرلەمانی عێراقین
SNN
ئەندامێکی هاوپەیمانی سائیرون هەڵوێستی فەرمی هاوپەیمانێتییەکە لەسەر دواخستنی هەڵبژاردنی پەرلەمانی عێراق رادەگەیەنێت و دەڵێت: دژی دواخستنی هەڵبژاردنەکەین.
مەحمود زەجراوی ئەندامی هاوپەیمانی سائیرون لە پەرلەمانی عیراق لە لێدوانێكدا بۆ میدیاكان ڕایگەیاند: سائیرون ڕێگە بە دواخستنی هەڵبژاردنی پێشوەختە نادات.
وتیشی: ئەندامانی ئەنجومەنی نوێنەران نیگەرانی خۆیان سەبارەت بە بارودۆخی وڵات خستووەتەڕوو.
مەحمود زەجراوی دووپاتیشكردەوە، لە ئەگەری دواخستنی هەڵبژاردنەكە دوور نییە جارێكی تر خۆپیشاندانەكانی بەغدا و باشووری عیراق دەستپێبكەنەوە كە ئەوەش ئاڵۆزییەكانی عیراق دوو هێندەی تر قوڵ دەكاتەوە.
