حەیدەر عەبادی: بە وەزیری دارایی هەرێمم وت چی لە داهاتی نەوت دێت وتی “نازانم”

SNN

حەیدەر عەبادی سەرۆکی فراکسیۆنی نەسڕ دەڵێت: “پرۆژەیاسای ئەمساڵی عێراق کە چەند هەفتەیەکە لە پەرلەمانە، جێگەی رەخنە گرتنە، دەشلێت: “لەبەرئەوەی زۆر نا واقیعیە، رێگە بۆ گەندەڵی خۆشدەکات”.

حەیدەر عەبادی سەرۆکوەزیرانی پێشووتری عێراق راشیگەیاندووە “بەهۆی ئەو خەرجییە زۆرەی تیایدا جێگەی کراوەتەوە، پرۆژەیاسای بودجەی ئەمساڵ رێگەخۆشکەرە بۆ هاتنە ئارای گەندەڵی”.

حەیدەر عەبادی سەرۆکی فراکسیۆنی نەسڕ ئاماژە بەوە دەکات “عێراق لە ئێستادا پێویستیی بە هەنگاوی بوێرانە هەیە، لەپێناو قوتارکردنی ئاسایش و ئابووری وڵاتدا”.

عەبادی باسی گفتوگۆکانی نێوان هەرێم و بەغدا کردووە و دەڵێت: “لە وەزیری دارایی هەرێمم پرسی داهاتی نەوتی هەرێمی کوردستان  چی لێدێت، لە وەڵامدا پێی وتم “نازانم بۆ کوێ دەچێت” بۆیە پارە دەدرێت بە هەرێمی کوردستان بێ ئەوەی بزانرێ دەدرێتە کێ”.