جەمیل هەورامی: پێشمەرگە هەیە خاوەن خانوو دەریکردووە و ئێستا لە مزگەوت دەژی

SNN

لە کۆنگرەیەکی ڕۆژنامەوانیدا سەرۆکی کۆمەڵەی پێشمەرگە دێرینەکان ئاماژە بەوە دەکات “دۆخی پێشمەرگەی دێرین زۆر خراپە و هەرچی زووە دەبێت بەهانایانەوە بێن”.

جەمیل هەورامی سەرۆکی کۆمەڵەی پێشمەرگە دێرینەکان رایگەیاند “سەرکردایەتیی سیاسیی کورد ئەڵێی نە بای دیوە نە باران و لە سێ لاوە تورکیا و ئێران و عێراق تەنگیان پێ هەڵچنیوین، بەڵام پارەی نەوت و بازرگانی چاوی کوێر کردوون و نابینن”.

هەورامی وتیشی: “پێشمەرگەی دێرین هیچ ماف و ئیمتیازاتێکیان نییە جگە لە مووچەی خانەنشینی، پێشمەرگە هەیە کرێچی بووە بە 150 هەزار دینار و دەرکراوە و لە مزگەوتدا دەژی و ماڵ و مناڵەکەشی ناردووەتەوە ماڵی خەزووری”.

راشیگەیاند “پێشمەرگەی دێرین کە مردیش دەبێ بخرێتە چاڵێکەوە، چونکە گۆڕیش بووە بە پارە و توانای دارایی ئەوەی نییە لە دوای نەمانی گۆڕێکیشی هەبێت”.