ئیسرائیل بە ناچاری کەناراوەکانی دادەخات
SNN
ئاوەکانی ئیسرائیل بەهۆی رژانی نەوتەوە پیسبوون و بەهۆیەوە ژماریەیەکی زۆر لە ماسی سەرئاوکەوتوو بیندراون، بەهۆی ئەو پیسبوونەوە ئیسرائیل ناچاربووە کەناراوەکانی دابخات.
میدیاکانی ئیسرائیل بڵاویانکردووەتەوە، لە هەفتەی رابردووەوە کەناراوەکانی ئیسرائیل پیسبوون بەهۆی رژانی نەوتەوە وەک گومان دەکرێت، ئەگەرچی سەرچاوەی ئەو پیسبوونە تا ئێستا نەدۆزراوەتەوە.
بەرپرسانی ئیسرائیل باس لەوەدەکەن، ئەمە یەکێکە لە خراپترین پیسبوونی ژینگە کە وڵاتەکە بەخۆیەوە بینیویەتی و ئاوی پیسبوو لە باشوورەوە بەرەو باکووری ئاوەکانی ئیسرائیل دەڕوات.
لە ئێستادا وەزارەتی سروشت و پارکەکانی ئیسرائیل هەڵمەتێکی پاککردنەوەی ژینگەی ئاوی وڵاتەکەی دەستپێکردووە کە پێدەچێت بۆ ماوەیەکی درێژ بەردەوام بێت، داوا لە خۆبەخشانیش کراوە بەشداری هەڵمەتەکە بکەن.
