چەند گوندێکی چیای گارە لەلایەن تورکیاوە بۆردومان کران

SNN

دوانیوەرۆی ئەمڕۆ هەینی، تۆپخانەکانی سوپای تورکیا دەوورووبەری دوو گوندی سنووری قەزای زاخۆی‌ سەر بە پارێزگای دهۆك یان تۆپبارانكرد.

بەپێی زانیاریەکانی SNN، ئەمڕۆ سوپای تورکیا دەوورووبەری گوندەکانی سیانێ و ئەرگرێنێی لە بناری چیای گارە بۆ ماوەی 40 خولەک بۆردومانکردووە، ئەوەش لەکاتێکدایە چوار رۆژ دوای ئۆپراسیۆنی سەربازی بۆ سەر چیای گارە بەهەمان شێوە ئەو ناوچانە بۆردومان کرابوون.

بەرپرسانی ئیداری ئەو ناوچەیە تا ئێستا هیچ زانیارییەکیان لەبارەی زیانە ماددی و گیانییەکان نەزانیوە، بەڵام راگەیەندراوێکی سوپای تورکیا ئاماژە بەوە دەکات ئامانج لەو بۆردومانە بەئامانجگرتنی هێزەکانی پارتی کرێکارانی کوردستان (پەکەکە)یە لەو ناوچەیە.