گرێبەستی هێڵی ئاسنین لە هەرێم واژووکرا

SNN

وەزيری ئاوەدانکردنەوەی هەرێم گرێبەستی هێڵی ئاسنینی لەگەڵ چەند کۆمپانيايەک واژووکرد.

دانا عەبدولکەريم وەزيری ئاوەدانکردنەوەی هەرێم لە کۆنفرانسێکی ڕۆژنامەنوسيدا ئاماژەی بەوەکرد: “کۆمپانيايەکی ئەڵمانی و دوو کۆمپانيای ئيسپانی هەڵسەنگاندن بۆ پڕۆژەی هێڵی ئاسن دەکەن”.

وتیشی:”هێڵی ئاسنين درێژييەکەی لە سەرتاسەری هەرێم 915 کيلۆمەتر دەبێت لە دوای تەواوبوونی هەموو قۆناغەکان کە بە سێ قۆناغ ئەنجامدەدرێت”.

باسی لەوەشکرد:”قۆناغی يەکەم بەدرێژای 620 کيلۆمەتر و قۆناغی دووەم 135 کيلۆمەترە وە قۆناغی سێيەم 160کيلۆمەترە”.

سەبارەت بە تێچووی پڕۆژەکەش وەزيری ئاوەدانکردنەوە رايگەياند:”تێچووی پڕۆژەکە لەسەرو مليارێک دۆلارەوە دەبێت، بەڵام تا هەڵسەنگاندنەکانی کۆمپانياکان تەواونەبێت تێچووەکەی بە تەواوی ديارنييە”.

دانا عەبدولکەريم دەشڵێت:”لە ساڵی 2012 وەزارەتی ئاوەدانکردنەوە ماستەرپلانی هێڵی ئاسنی لە هەرێم دياريکرد، بۆيە لە ئێستادا ئەو سێ کۆمپانیایە بانگهێشت کراون بۆئەوەی لەم ساڵدا دەست بکەن بە جێبەجێکردنی پرۆژەکە “.