پاپا فرانسیس بەرەو موسڵ بەرێکەوت

SNN

سەرلەبەیانیی ئەمڕۆ یەکشەممە 7-3-2021، پاپا فرانسیس، پاپای ڤاتیکان بە سەردانێکی فەرمی گەیشتە هەولێری پایتەختی هەرێمی کوردستان، لە فڕۆکەخانەی نێودەوڵەتیی هەولێر، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکوومەتی هەرێمی کوردستان و قوباد تاڵەبانی پێشوازییان لە پاپا فرانسیس کرد.

دوای تەواوبوونی دیدارەکانی لەگەڵ بەرپرسانی باڵای هەرێمی کوردستان، پاپا فرانسیس بەرەو شاری مووسڵ بەڕێ کەوت.

بڕیارە لە مووسڵ، پاپای ڤاتیکان نوێژ بۆ مەسیحییەکانی و قوربانییانی دەستی رێکخراوی داعش بکات و دواتریش بچێتە قەرەقۆش .

لە کەنیسەی تاهیرە لە قەرەقۆش، پاپا فرانسیس نوێژ بۆ مەسیحییەکانی ئەو سنوورە دەکات.

دواتر پاپا فرانسیس دەگەڕێتەوە هەولێر و دەچێتە عەنکاوە.

بڕیاریشە لە ئێوارەی ئەمڕۆ یەکشەممەدا، لە یاریگای نێودەوڵەتیی فەرەنسۆ هەریری، پاپا فرانسیس بە ئامادەبوونی 10 هەزار هاووڵاتیی مەسیحی، گەورەترین قەداس لە عێراق و هەرێمی کوردستان، ساز بکات.