“کەشتی فڕیو” نهێنی ئەو وێنەیە ئاشکرا دەکرێت کە هاووڵاتیانی تووشی سەرسوڕمان کردووە

SNN

دەڤید مۆریس-ی 54 ساڵ کە هاووڵاتییەکی بەریتانییە، لە یەکێک لە بەیانییەکاندا لە ناوچەی کۆرنواڵ-ی باشووری بەریتانیا، کەشتییەک دەبینێت کە بەسەر هەواوەیە، بۆیە راستەوخۆ بڕیار دەدات وێنەیەکی کەشتییەکە بگرێت کە لە وێنەکەشدا بەهەمان شێوەیە، پاشان لە تۆڕەکۆمەڵایەتییەندا ئەم وێنەیە بە خێرایی بڵاودەبێتەوە پرسیاری زۆر بەدوای خۆیدا دەهێنێت.

بەپێی سایتی نیۆرک تایمز، ئەم دیاردەیە بە “سەرابی باڵا” ناودەبرێت، ئەم دیاردەیە بەهۆی جیاوازی پلەی گەرماوە دروستدەبێت، لە نێوان دەریا و ئەو هەوایەی کە بەسەریەوەیەتی، ئەمەش وا دەکات چری هەوای سەر دەریاکە زیاد ببێت و ئەو ڕووناکییەکی لە سەریەتی بۆ سەرەوەی بشکێنێتەوە، بۆیە وا دەکات ئەو بەشەی ئاوەکە وەک بۆشایی هەوا دەربکەوێت، تەواوی روودانی ئەم دیاردە سروشتییە وا دەکات ببێتە فێڵی چاو، وا هەست بکەیت کە کەشتییەکە بەسەر هەواوەیە، بەڵام لە راستیدا هەر لەسەر رووی دەریایە بەڵام ئەو بەشەی وەک سەراب دەردەکەوێت.

بەهەمانشێوە شارەزاییەکی کەشناسی بەریتانی بەناوی دەیڤید برین بە سایتی BBC راگەیاند: روودانی ئەم جۆرە دیاردەیە لە بەستەڵەکی باکوور زۆرە، بەڵام لە بەریتانیا بۆ یەکەمجارە رووبدات و جێگەی سەرسوڕمانە.