لە کەرکوک بەهۆی تەقينەوەوە حەوت پۆليس برينداربوون
SNN
لە کەرکوک بۆمبێکی چێندراو تەقيەوە و بەهۆيەوە حەوت کەس لە هێزەکانی پۆليسی فيدڕاڵی برينداربوون.
ئەمڕۆ دووشەممە، ميدياکانی عێراق لەزاری سەرچاوەيەک لە پۆليسی فيدڕاڵيەوە بڵاويانکردەوە: “لە ناوچەی رياز لە ڕۆژئاوای کەرکوک بۆمبێکی چێندراو بە ئۆتۆمبێلی هێزەکانی پۆليسی فيدڕاڵيدا تەقيوەتەوە”.
سەرچاوەکە راشيگەياندووە: “بەهۆی تەقينەوەکەوە حەوت پۆليس برينداربوون، هيچ کەسێک گيانی لەدەستنەداوە”، تا ئێستاش هيچ لايەنێک بەرپرسيارێتی خۆی لە تەقينەوەکە رانەگەياندووە.
هاوکات، شەوی رابردوو دەستەی حەشدی شەعبی لەراگەیەنراوێکدا ئاماژەی بەوەکرد، هێزەکانی لیوای 41ی حەشدی شەعبی روبەڕوی هێرشێکی داعش بونەتەوە لە باشوری شاری سامەڕا.
