پێنجشەممە سێ مووچەی ليوا هاوبەشەکانی پێشمەرگە دابەشدەکرێت

SNN

بڕیارە ڕۆژی پێنج شەممە مووچەی سێ مانگی لیوا ھاوبەشەکانی وەزارەتی پێشمەرگە بەبێ لێبڕین دابەشبکرێت.

بەپێی زانيارييەکانی SNN دوای چارەسەکردنی کێشە تەکنیکییەکان، وەزارەتی پێشمەرگە بڕیاریداوە ڕۆژی پێنجشەممە 11ی ئازار، مووچەی مانگەکانی  11و 12ی ساڵی 2020 و مانگی دووی ئەمساڵی لیوا ھاوبەشەکانی وەزارەتی پێشمەرگە بەبێ لێبڕین دابەشبکرێت.

هاوکات، بەهۆی راگەياندنی پشوو لە ژمارەیەک فەرمانگە ئەگەر لەو رۆژەدا مووچەکە دابەش نەکرا، ئەوا دەکەوێتە رۆژانی داھاتوو.

هەروەها، مووچەکە لەلایەن ھێزەکانی ئەمەریکا و بودجەی وەزارەتی پێشمەرگە دەدرێت بە 13 لیوای ھاوبەش و چوار بنکەی مەشق و راھێنان لە ھەرێمی کوردستان.