پەرلەمانی کوردستان کۆدەبێتەوە

SNN

ئەمڕۆ پەرلەمانی کوردستان کۆدەبێتەوە و خوێندنەوەی دووەم بۆ پێشنيازەياسای پاراستنی تۆڕ و بنچینه‌كانی ئاو و ئاوه‌ڕۆ له‌هه‌رێم دەکات.

ئەمڕۆ  چوارشەممە، بەپێی خشتەی کارەکانی پەرلەمانی کوردستان، پەرلەمان کۆدەبیتەوە و لە بڕگەی يەکەمی دانيشتنەکەدا، بیرۆكه‌ی په‌رله‌مانتار هێڤیدار ئه‌حمه‌د دەخرێتەڕوو په‌یوه‌ست به‌ ژینگه، به‌پێی حوكمى خاڵی (2)ى بڕگه‌ی (یه‌كه‌م) له‌مادده‌ى (49)ى په‌یڕه‌وی ناوخۆى په‌رله‌مانى كوردستان.

لە تەوەری دووەميشدا، خوێندنه‌وه‌ى دووه‌م دەکرێت بۆ پێشنیازه‌یاسای پاراستنی تۆڕ و بنچینه‌كانی ئاو و ئاوه‌ڕۆ له‌هه‌رێمی كوردستان، به‌پێی حوكمى مادده‌كانی (87، 88، 89) له‌په‌یڕه‌وی ناوخۆی په‌رله‌مانی كوردستان.